Fréttasafn

26.08.2010 Ný handbók um skjalavörslu sveitarfélaga
Borgarskjalasafn varðveitir skjöl frá öllum borgarstofnunum og fyrirtækjum og leiðbeinir þeim um skjalavörslu. Þjóðskjalasafn Íslands hefur gefið út Handbók um skjalavörslu sveitarfélaga sem ætluð er skjalamyndurum sveitarfélaga, þ.e. sveitarstjórnarskrifstofum, stofnunum sveitarfélaga og fyrirtækjum í þeirra eigu, og er öllum helstu þáttum í skjalavörslu þessara aðila gerð skil.
25.08.2010 Menningarnótt á Borgarskjalasafni 21. ágúst 2010
Nokkrar konur í húsmæðraorlofi taka sporið. Hvaða ár ætli þetta hafi verið ? Borgarskjalasafn tók nú þátt í menningarnótt í ellefta sinn. Boðið var upp á sýningu um tísku, eldri ljósmyndum var varpað á tjald og barnahornið var vinsælt en þar var bæði hægt að lita og gera dúkkulísur. Helmingur hljómsveitarinnar Varsjárbandalagsins lék angurværi balkan tónlist og fjöruga Klezmer tónlist og Örlygur Eyþórsson lék á harmoníkku. Hátt á sjötta hundrað gesta sóttu safnið heim á menningarnótt.
19.08.2010 Fjölbreytt dagskrá á menningarnótt á Borgarskjalsafni
Borgarskjalasafn verður með opið hús í afgreiðslu safnsins frá kl. 13 til 21. Þema menningarnætur á safninu er TÍZKA og mun safnið verða með sýningu tengda fötum og tísku, varpa upp á skjá ljósmyndum af konum og börnum í fjölbreyttum fatnaði á fyrri hluta 20. aldar. Jafnframt verður sérstakt barnahorn þar sem börnin geta útbúið dúkkulísur og tekið með sér heim. Þá mun Varsjárbandalagið spila kl. 17 og kl. 19.30 kemur Örlygur Eyþórsson til skjalanna og mun spila fjöruga harmóníkkutónlist og er fólki velkomið að stíga dans við tónlistina.
17.08.2010 Nýjar reglur varðandi skjalamál sveitarfélaga
Börn að leik. Þann 1. ágúst sl. tóku gildi nýjar reglur um skjalavörslu og taka þær flestar til bæði sveitarfélaga og annarra opinberra aðila, sem og félaga sem fá fjárframlög af opinberu fé. Borgarskjalasafn mun á haustmánuðum gangast fyrir námskeiðum fyrir borgarstofnanir, þar sem nýjar reglur verða kynntar sem og Handbók um skjalavörslu sveitarfélaga sem Þjóðskjalasafn Íslands mun væntanlega gefa út á næstu vikum.
17.08.2010 Alla ævi að sauma
Tískublað frá 1966 Föstudaginn 13. ágúst sl. færði María Jónsdóttir f. 1925 Borgarskjalasafni til varðveislu safn sauma- og sniðablaða frá árunum 1950-2000 og gefur safnið frábært yfirlit yfir tísku í Reykjavík á þessum árum og hvernig konur saumuðu upp úr erlendum sniðablöðum sem mótuðu mikið tískuna. María vann í 20 ár á saumastofu Hagkaupa en saumaði einnig alltaf mikið heima fyrir. Allir eru velkomnir á lesstofu Borgarskjalasafns að glugga í blöðin og kannski fá hugmynd að nýjum kjól.
07.07.2010 Fyrstu sex mánuðir ársins á Borgarskjalasafni Reykjavíkur
Varsjárbandið spilar á Borgarskjalasafni á Safnanótt 2010 við mikla lukku. Fyrstu sex mánuðir ársins hafa verið líflegir á Borgarskjalasafni og næg verkefni. Á lesstofu safnsins hafa borist 975 fyrirspurnir eða viðskiptamenn á lesstofu. Þá hafa 1.082 gestir komið í hópum eða á safnanótt. Beiðnum einstaklinga um barnaverndar- eða vistheimilamál hafa fjölgað undanfarið. Afgreiddar hafa verið 34 slíkar fyrirspurnir á árinu og á síðustu tveimur mánuðum hafa tveir starfsmenn verið nær eingöngu að vinna að slíkum fyrirspurnum. Fyrstu sex mánuði ársins 2010 bárust 35 skjalaafhendingar til Borgarskjalasafns og er unnið að skráningu þeirra og frágangi. Sjá meira:

Blaðsíða 1 af 18