Bifreiðaíþróttaklúbbur Reykjavíkur

Bifreiðaíþróttaklúbbur Reykjavíkur (BÍKR) var stofnaður 1977 fyrir tilstuðlan Félags íslenskra bifreiðaeigenda (FÍB) til að standa fyrir hverskyns aksturskeppnum á bílum.
Mikið og fjölbreytt starf hefur verið unnið innan klúbbsins, bæði félagslegt og við keppnishald, en í áranna rás hefur þróunin orðið sú að rallý er sú grein sem klúbburinn leggur mesta
áherslu á.
BÍKR hefur alla tíð verið meðlimur í Landssamtökum akstursíþróttafélaga (LÍA), fyrst akstursíþróttaráði FÍB, þá Landssambandi íslenskra akstursíþróttafélaga og frá 2013 undir merkjum Íþróttasambands Íslands (ÍSÍ) í Akstursíþróttasambandi Íslands (AKÍS).