Félag um skjalastjórn

Félag um skjalastjórn var stofnað 6. desember 1988. Stofnfélagar voru um 57 talsins. Árið 1999 voru félagar orðnir um 170 talsins.

Markmið félagsins er að efla þekkingu og skilning á skjalastjórn meðal einstaklinga, fyrirtækja og opinberra aðila, ennfremur að efla tengsl þeirra sem starfa við skjalasöfn og stuðla að samvinnu þeirra í milli.

Félagið hefur staðið fyrir mörgum námstefnum með erlendum fyrirlesurum í fremstu röð; einnig hefur félagið haldið reglulega fræðslufundi um ákveðna þætti skjalastjórnar.