Eggert Kristjánsson & Co.

Heildsölufyrirtækið Eggert Kristjánsson & Co. var stofnað árið 1922 af Eggerti Kristjánssyni og Eyjólfi Jóhannssyni og var Eggert forstjóri þess til dauðadags 1966. Ári síðar seldi Eyjólfur Eggerti hlut sinn í fyrirtækinu. Fyrirtækið var rekið til ársins 1974 þegar því var skipt upp á milli þáverandi hluthafa og úr varð m.a. Gunnar Eggertsson hf., nefnt eftir stofnanda þess og syni Eggerts Kristjánssonar.

Eggert Kristjánsson & Co. var umsvifamikið inn- og útflutningsfyrirtæki um 1930 og flutti það inn flest allar vörutegundir fyrir vefnaðar- og nýlenduvöruverslanir ásamt veiðarfærum, byggingarefni, ávöxtum svo eitthvað sé nefnt.