Fiskverslun Hafliða Baldvinssonar hf. Fiskbúð Hafliða

Fiskverslun Hafliða Baldvinssonar hf. var stofnuð 1927 að Hverfisgötu 123 og hefur fyrirtækið verið í eigu sömu fjölskyldu til dagsins í dag. Þrjár kynslóðir hafa haft velferð fyrirtækisins og ánægða viðskiptavini að markmiði.

Á 65 ára afmæli verslunarinnar var stofnuð önnur verslun að Fiskislóð 30, einnig var fiskverkun sett á laggirnar. Auk verslunarreksturs hefur Fiskverslun Hafliða lagt áherslu á þjónustu við mötuneyti og veitingastaði auk markaðssetningar matvæla í erlend skemmtiferðaskip.

Skjalasendingin kom í þrennu lagi og samanstendur aðallega af fjármála- og bókhaldsgögnum. Einnig er nokkuð um bréf og fáein önnur gögn og muni.