Jóhann Ólafsson & co. hf.

Heildverslunin var stofnuð 14.10.1916 af Jóhanni Ólafssyni og Sigfúsi Blöndal og stuttu síðar bættist Sighvatur Blöndal í hópinn. Þeir seldu sinn hlut fljótlega, en Björn Arnórsson keypti og ráku þeir Jóhann fyrirtækið í sameiningu til ársins 1951.

Ýmis starfsemi hefur farið fram á vegum fyrirtækisins, aðallega þó verslunarrekstur og innflutningur. Má þar nefna bifreiðir og bifreiðavarahlutir, skotfæri, hannyrðavörur, matar- og kaffistell, búsáhöld, hótelvörur, prentvörur, ljósaperur og lampar, ýmis rafmagnstæki, viðgerðaverkstæði o.fl.

Verslunin hefur verið rekin á ýmsum stöðum í Reykjavík. Fyrst var hún til húsa í Lækjargötu 6b, síðan í Þingholtstræti, þá í Bankastræti 10, en lengst af í Hverfisgötu 18. Frá 1974 hefur verslunin verið staðsett í Sundaborg.